د ښځې او خاوند ترمنځ د جنسي اړیکو پر مهال د دواړو هممهاله انزال یوازې په وخت پورې تړلی نه دی، بلکې د ښځې او خاوند پر بدني چمتووالي، احساساتي نږدېوالي او جنسي تحریک هم اغېز لري. مشهوره هندي ډاکټره دیا وايي، د دې لپاره چې ښځه هم د جنسي اړیکې پر مهال د خوند لوړې کچې ته ورسېږي، خاوند باید د هغې د چمتووالي لپاره کافي وخت ورکړي.
د ډاکټرې په وینا، شاوخوا لس دقیقې یا تر دې زیات وخت د ځینو جوړو لپاره د ښځې د جنسي تحریک او چمتووالي په برخه کې مرسته کولای شي؛ خو دا وخت د ټولو ښځو لپاره یو شان نه دی. ځینې ښځې ژر او ځینې نورې ډېر وخت ته اړتیا لري.
متخصصان ټینګار کوي چې خاوند باید یوازې خپل انزال ته پام ونه کړي، بلکې د مېرمنې احساساتو، غوښتنو او بدني غبرګونونو ته هم پاملرنه وکړي. له دخول مخکې مینه ناک چلند، نرمه لمسونه او د ښځې رضایت د هغې د خوند اخیستلو په برخه کې مهم رول لري.
په پای کې باید وویل شي چې د ښځې او خاوند هممهاله انزال د بریالۍ جنسي اړیکې یوازینی معیار نه دی. تر ټولو مهمه خبره متقابل رضایت، تفاهم او د دواړو د خوښۍ درناوی دی.