د یوې عربې مېرمنې د ژوند یوه عجیبه کیسه هغه مهال د کورنۍ د اړیکو په یوه لویه ستونزه بدله شوه، کله چې هغې د خپل خاوند په اړه داسې خبره وکړه چې د هغه احساسات یې سخت زیانمن کړل. د مېرمنې په وینا، له خپل اوسني خاوند سره یې له نږدې اړیکې وروسته د خبرو پر مهال د خپل پخواني خاوند یادونه وکړه.
هغې خپل خاوند ته وویل: «زما پخوانی خاوند له فزیکي پلوه تر تا غښتلی و، خو د مینې او عاطفې له اړخه ستا د مینې یوه سلنه هم نه لرله.» نوموړې فکر کاوه چې په دې خبرو سره به خپل اوسني خاوند ته د هغه د مینې او عاطفې ارزښت څرګند کړي، خو د هغې د خبرو اغېز بل ډول و.
د مېرمنې په وینا، خاوند یې د دې خبرې په اورېدو سخت خپه شو او احساس یې وکړ چې د دوی د خصوصي ژوند پرتله کول او د پخواني خاوند یادول ورته سپکاوی دی. هغه د شپې له خبرو وروسته له خپلې مېرمنې سره نور بحث ونه کړ، خو د هغې خبره یې په زړه کې واخیسته.
د راپور شوې کیسې له مخې، خاوند یې سبا سهار هغې ته طلاق ورکړ. دا پېښه ښيي چې د مېړه او مېرمنې ترمنځ د مینې ترڅنګ درناوی او د خبرو کولو طریقه هم ډېر اهمیت لري؛ ځکه کله ناکله یوه ناسمه جمله، په ځانګړي ډول د پخواني ژوند او پخوانیو اړیکو پرتله کول، د اوسني ژوند پر اړیکو ژور منفي اغېز کولای شي.